काठमाडौं – निर्वाचन आयोगले आफ्नो वेबसाइट तथा मतदाता नामावली सूचना प्रणाली पूर्ण रूपमा सुरक्षित रहेको स्पष्ट पारेको छ।
केही समाचार माध्यम र सामाजिक सञ्जालमा आयोगको प्रणालीबाट मतदाता विवरण फेला परेका समाचार सार्वजनिक भएपछि आयोगले विज्ञप्ति सार्वजनिक गर्दै त्यस्ता दाबी गलत भएको बताएको हो ।
आयोगका प्रवक्ता नारायणप्रसाद भट्टराईले विज्ञप्ति सार्वजनिक गर्दै अनधिकृत व्यक्तिले प्रणालीमा प्रवेश गर्न नसक्ने प्रष्ट पारेका हुन् ।
आयोगले गोप्य वा संवेदनशील व्यक्तिगत विवरण सुरक्षित रहेको भन्दै गलत, भ्रामक र मिथ्या सूचनामा विश्वास नगर्न नागरिकसँग आग्रह गरेको छ।
प्रतिक्रिया