काठमाडौं – राष्ट्रिय प्रजातन्त्र पार्टी (राप्रपा)का नेता ज्ञानेन्द्र शाहीले प्रत्यक्ष प्रधानमन्त्री चुन्ने विषयमा जेनजीलाई धोका भएको बताएका छन् ।

सामाजिक सञ्जाल मार्फत उनले ‘जुंगाको लडाईं’ त्यागेर राष्ट्रिय प्रजातन्त्र पार्टीले विकल्प खडा गर्ने उद्घोष पनि समेत गरेका छन् ।

शाहीले आफूहरूले प्रत्यक्ष प्रधानमन्त्री चुन्ने विषयमा लगातार आवाज उठाए पनि अन्य दलले सहयोग नगरेको गुनासो गरे । उनले जनताले समेत यही व्यवस्था चाहेको भए पनि दलहरूले आफ्नै स्वार्थका कारण यसलाई बेवास्ता गरेको आरोप लगाए ।

जेनजीले प्रत्यक्ष प्रधानमन्त्रीको कुरा गर्दा सबैले साथ दिएर आश्वसन दिएपनि निर्णय गर्ने बेला भने सबैपछाडि हटेको बताए । ‘अब हामीसँग अरू विकल्प छैन। हामीले अब एकजुट भएर काम गर्नुपर्छ,’ उनले भने, ‘हाम्रो जुंगाको लडाईँ त्यागेर हामी सबै एक ठाउँमा आउनुपर्छ। राप्रपाले यसको नेतृत्व गर्नेछ।’