काठमाडौं- अमेरिकी राष्ट्रपति डोनाल्ड ट्रम्पले आफूलाई फासीवादविरोधी दाबी गर्ने अभियानलाई आतङ्ककारी सङ्गठन घोषणा गरेका छन् । राष्ट्रपति ट्रम्पले ‘एन्टिफा’ अर्थात् ‘एन्टिफासिस्ट एक्सन’ अभियानलाई आतंककारी सङ्गठनको घोषणा गरेका हुन् ।

अमेरिकी दक्षिणपन्थी अभियन्ता चार्ली कर्कको हत्यापछि ट्रम्पले यस्तो घोषणा गरेका हुन् । सामाजिक सञ्जाल ट्रुथ सोसलमा ट्रम्पले यस्तो अभियानलाई आर्थिक सहायता दिनेविरुद्ध पनि अनुसन्धान हुनुपर्ने उल्लेख गरेका छन् ।

समाचार संस्था रोयटर्सका अनुसार एन्टिफा विभिन्न वामपन्थी एवम् अनार्किस्ट भनिने अराजकतावादी संगठन आबद्ध सञ्जाल हो । यस अभियानको कुनै केन्द्रीकृत नेतृत्व वा सङ्गठनात्मक संरचना छैन ।

यो अभियानले लामो समयदेखि ट्रम्प प्रशासनको विरोध गर्दै आएको छ ।