काठमाडौँ– कारोबारको दोस्रो दिन सोमबार नेपाल स्टक एक्सचेञ्ज (नेप्से) ९.१६ अंकले बढेको छ । नेप्से ०.३३ प्रतिशतले बढ्दा परिसूचक २७७०.३९ विन्दुमा पुगेको छ ।

नेप्से बढ्दा कारोबार रकम भने घट्न पुगेको छ । सोमबार ६ अर्ब १७ करोड ९८ लाख ५५ हजार रुपैयाँ बाराबरको १ करोड ५२ लाख २९ हजार ९२१ कित्ता शेयर कारोबार भएको छ ।

बजार बन्द हुँदा १७५ वटा कम्पनीको शेयर मूल्य बढेको छ भने ७४ वटा कम्पनीको शेयर मूल्य घटेको छ । कुनै पनि कम्पनीको शेयर मूल्य स्थिर रहेन ।

सोमबार दिनभरमा ३२० वटा कम्पनी करोबारमा आउँदा ६७ हजार ९५९ पटक शेयर किनबेच भएको छ ।

बजार बढ्दा ट्रेडिङ समूहमा लगानीकर्ताको आकर्षण देखिएको छ । सोमबार उक्त समूह सबैभन्दा बढी १.२९ प्रतिशतले बढेको छ । सोमबार म्यचुअल फण्ड र अन्य समूह बाहेक अन्य सबै समूह बढको छ ।