काठमाडौं- नेकपा (एमाले) को शुक्रबारबाट सुरू भएको पोलिटब्युरो बैठक शनिबार बिहान ११ बजेसम्मलाई स्थगित भएको छ ।
पार्टी मुख्यालय च्यासलमा सुरू भएको पोलिटब्यूरो बैठकमा शुक्रबार ६ जना सदस्यले बोलेका छन् ।
पोलिटब्यूरो बैठकमा विधान महाधिवेशनमा प्रस्तुत गरिने प्रतिवेदनका सम्बन्धमा छलफल चलिरहेको छ ।
बिहीबार बसेको सचिवालय बेठकले विधानको मस्यौदाबारे सहमति गरेको थियो ।
एमालेको विधान महाधिवेशनको पूर्वतयारीका क्रममा बिहीबारको सचिवालय बैठकले पार्टी अध्यक्ष केपी शर्मा ओलीको राजनीतिक प्रतिवेदन, उपाध्यक्ष विष्णुप्रसाद पौडेलेको विधान संशोधन प्रतिवेदन र महासचिव शंकर पोखरेलको सांगठनिक प्रतिवेदनको प्रस्ताव पारित गरेको थियो ।
प्रतिक्रिया