काठमाडौं– अमेरिकी राष्ट्रपति डोनाल्ड ट्रम्पले चारपक्षीय सुरक्षा संवाद (क्वाड) को आगामी शिखर सम्मेलनमा सहभागी हुन भारतको भ्रमण गर्ने भएका छन् । क्वाडको शिखर सम्मेलन भारतको राजधानी नयाँ दिल्लीमा यसै वर्षको अन्त्यतिर आयोजना हुँदैछ ।

क्यानाडामा आयोजित जी ७ को शिखर सम्मेलनमा सहभागी भएका प्रधानमन्त्री मोदीले टेलिफोन संवादका क्रममा राष्ट्रपति ट्रम्पलाई भारत भ्रमणको निम्तो दिएको भारतीय विदेशसचिव विक्रम मिश्रीले जानकारी दिएका छन् । मिश्रीका अनुसार राष्ट्रपति ट्रम्प भारत भ्रमण गर्न उत्साहित छन् ।

क्वाडमा अमेरिका र भारतसँगै अष्ट्रेलिया र जापान पनि सदस्य छन् । हिन्द प्रशान्त क्षेत्रमा खुलापन, स्थीरता र समृद्धिको चाहनाअनुरुप यो समूहको स्थापना भएको हो ।