काठमाडौं‍– काठमाडौंको टोखा नगरपालिका-४ धापासी डेरा गरी बस्ने गोरखा आरूघाट गाउँपालिका-५ घर भएकी ३५ वर्षीया कविता गुरुङको कोठाबाट विभिन्न सुनका गरगहना गरी करिब ३ लाख ९० हजार रुपैयाँ बराबरको धनमाल मंगलबार साँझ चोरी भएको छ ।

यसैगरी काठमाडौंकै नागार्जुन नगरपालिका-४ बाफल डेरा गरी बस्ने धादिङ ज्वालामुखी गाउँपालिका-६ घर भएका २४ वर्षीय गम्भीर श्रेष्ठको कोठाबाट विभिन्न सुनका गरगहना गरी करिब १ लाख ८० हजार रुपैयाँ बराबरको धनमाल मंगलबार साँझ चोरी
भएको छ ।

त्यसैगरी ओखलढुंगाको सिद्धिचरण नगरपालिका-४ चार्खु बस्ने सुदिप विकले सोही ठाउँस्थित सञ्चालन गरेको सौगात ज्वेलर्सबाट सुन तथा चाँदीका गरगहनासमेत गरी करिब ३ लाख ८८ हजार ४ सय रुपैयाँ बराबरको धनमाल गए राति चोरी भएको छ ।

प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।