सुर्खेत– शनिबारका दिन भोली कर्णालीका धेरै विद्युत् आपूर्ति केही समय अवरुद्ध हुने भएका छन् । नेपाल विद्युत् प्राधिकरण सुर्खेत वितरण केन्द्र निर्देशनालय कर्णाली प्रादेशिक कार्यालयका अनुसार लाइन पेट्रोलिंग तथा (बुस कटिङ्ङ्ग) गर्ने काम गर्ने भएकाले केही समय अवरुद्ध हुने जनाएको छ ।
सुर्खेत वितरण केन्द्र अन्तर्गत कोहलपुर–सुर्खेत ३३ केभी प्रसारण लाइन वरपर रहेका रुखका हाँगाबिगाहरु हटाउनु साथै लाइन पेट्रोलिंग तथा (बुस कटिङ्ङ्ग) गर्नुपर्ने भएकोले प्रसारण लाइन सट डाउन हुने जनाएको छ ।
कर्णालीका १० जिल्लामध्ये सुर्खेत, मुगु, कालिकोट, जुम्ला, दैलेख र जाजरकोटमा कोहलपुर–सुर्खेतको ३३ केभी लाइन जडान गरिएका कारणले विद्युत् सेवा अवरुद्ध हुनेछन् ।
त्यस्तै, रामघाट सवस्टेशन अन्तर्गत छिन्चु, रामघाट, दशरथपुर, जहने, बोटेचौर, सल्ली बजार सम्मको एरिया बिहान ९ः०० बजेदेखि दिउँसो ३ः०० बजेसम्म बन्द रहने कर्णाली प्रदेश कार्यालयले जनाएको छ ।
बुदबुदी सवस्टेशनअन्तर्गत एर्पोट चोक, मंगलगड़ी, खजुरा, कालिन्चोक, ईत्राम, चनौटे करेखोला हुँदै पावरहाउससम्मको क्षेत्रमा बिहान ९ः०० बजेदेखि मध्यान्ह १२ः०० बजेसम्म विद्युत् आपूर्ति बन्द रहनेछ ।
तातापानी फिडर अन्तर्गत एर्पोट, एकान्तनगर, मंगलगढ, एरिचोक, वीरेन्द्रचोक हुँदै गणेशचकसम्मको क्षेत्र बिहान ९ः०० बजेदेखि मध्यान्ह १२ः०० बजेसम्म विद्युत् आपूर्ति बन्द रहनेछ ।
बुलबुले फिडर अन्तर्गत बुदबुदी, लाटीकोईली, मंगलगढ़ी, रेडियो नेपाल, फलाटे हुँदै रानीघाटसम्मको क्षेत्र मध्यान्ह १२ः०० बजेदेखि दिउँसो ३ः०० बजेसम्म विद्युत् आपूर्ति बन्द रहने जनाएको छ ।
पिपिरा फिडर अन्तर्गत पिपिरा चौक, सानो सुर्खेत, अलायचौर, चनौटे हुँदै बड्डीचौर सम्मको क्षेत्र मध्यान्ह १२ः०० बजेदेखि दिउँसो ३ः०० बजेसम्म विद्युत् आपूर्ति बन्द रहनेछ ।
मटेला सवस्टेशन अन्तर्गत कान्छी बजार, निगालपानी, धरमपोखरासम्मको क्षेत्र बिहान ९ः०० बजेदेखि दिउँसो ३ः०० बजेसम्म विद्युत् आपूर्ति बन्द रहनेछ ।
प्रतिक्रिया