काठमाडौं– नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले नेपालमा राजतन्त्र पुनर्स्थापना असम्भव भएको दावी गरेका छन् । 

२७औँ सांस्कृतिक प्रतिरोध दिवस, सहिद परिवार अभिनन्दन तथा जनसांस्कृतिक राष्ट्रिय सम्मान–२०८१ नाम दिएर मंगलबार प्रज्ञा प्रतिष्ठानमा आयोजित समारोहमा उनले उक्त दावी गरेका हुन् । 

‘नेपालमा राजतन्त्र पुनर्स्थापना त असम्भव छ । बरु यो बहसले समाजवादको यात्रा फराकिलो पार्ने मद्दत गर्ने छ भन्ने मैले विश्वास हो,’ पूर्वप्रधानमन्त्री प्रचण्डले भने । 

उनले राजावादीहरूले राजतन्त्र पुनर्स्थापनाका लागि भनेर सुरु गरेको आन्दोलनले नेपाली जनतालाई अझ बढी चेतनशील बनाउने पनि जिकिर गरे ।
 
‘अहिले जुन डिबेट सुरु भएको छ, मेरो विचारमा यो डिबेटले नेपाली जनतालाई अझ बढी चेतनशील बनाउन, समाजवादी क्रान्तितिर अग्रसर हुनका लागि नयाँ विचार, नयाँ सिद्धान्त, नयाँ रणनीतिको खोजी गर्ने अवसर हुनेछ,’ प्रचण्डले भने ।