काठमाडौं- मंगलबार बसेको प्रतिनिधिसभाको बैठकको विशेष समयमै अधिकांश सांसद हराए । विशेष समय चलिरहेकै बेला प्रतिनिधिसभाका अधिकांश कुर्सी खाली थिए ।
प्रतिनिधिसभाको प्रतिपक्षी र सत्तापक्षी दुवैतर्फ अघिल्लो लहरका कुर्सीमा एकजना पनि सांसद थिएनन् । सत्ता पक्षतिर न प्रधानमन्त्री देखिए न कुनै मन्त्री नै थिए ।
अर्कातिर प्रतिपक्षीको पनि अवस्था उस्तै थियो । न त प्रमुख प्रतिपक्षीका नेता थिए न अन्य प्रतिपक्षीका सांसदहरू । विशेष समय पाएका सांसदहरूले चर्को स्वरमा आफ्ना कुरा राखिरहँदा सुनिदिने सरकारका एकजना प्रतिनिधि देखिएनन् ।
तस्बिरहरू : नेपाल फोटो लाइब्रेरी
प्रतिक्रिया