काठमाडौं– सिप्रदी अटोपाट्र्स प्रालि र टाटा मोटर्सको संयुक्त आयोजनामा फाल्गुन १ गते काठमाडौंस्थित होटेल क्राउन इम्पेरियरमा आयोजित ‘सीपलाई पहिचानसँगै प्रतिभालाई सम्मान’ भन्ने मूल नाराका साथ ‘गुरुक्षेत्र-२, २०२५’ कार्यक्रम सम्पन्न भएको छ । 

टाटा गुरु-मेकानिक्स प्राविधिक-बीच सम्पन्न उक्त प्राविधिक सीप तथा दक्षता एवं ज्ञानमा आधारित प्रतिस्पर्धात्मक कार्यक्रम ‘गुरुक्षेत्र-२, २०२५’मा सुर्खेतका टाटा गुरु अभिषेक सुनार नेपालकै नम्बर एक टाटा गुरु बनेका छन् । उक्त प्रतिस्पर्धाको लागि देशभरबाट १०० टाटा गुरु सहभागिता थिए ।

सिप्रदीका अनुसार द्वितीयमा टाटा गुरु लाल बहादुर नेगी र तृतीयमा गुरु ब्रह्मानन्द चौधरी र सञ्जय दनुवार रहेका छन् ।

सिप्रदी अटोपार्टस्का वरिष्ठ महाप्रबन्धक युवराज बुढाथोकीले देशभरका स्थानीय प्राविधिकलाई टाटा मोटर्स र सिप्रदी अटोपार्टसले सम्मानित गरेको उल्लेख गर्दै गुरुहरूलाई समाजका आर्थिक, प्राविधिक सामाजिक रुपमा अगाडि बढाउन टाटा मोटर्स  सिप्रदी अटोपाट्र्सले करिब सात करोड रुपैयाँ खर्च गरिसकेको जानकारी गराए ।