वाशिङ्टन – अमेरिकी राष्ट्रपति डोनाल्ड ट्रम्प र उनका विशेष सहयोगी एलन मस्कविरुद्ध अमेरिकामा विरोध प्रदर्शन भएको छ।
राष्ट्रपतिका रुपमा ट्रम्पले पदभार ग्रहण गरे यता गरेका काम र निर्णयमा असन्तुष्टि जनाउँदै सोमबार अमेरिकामा प्रदर्शन भएको हो।
ट्रम्पसँगै उनका सहयोगी एलन मस्कको समेत प्रदर्शनकारीले चर्को विरोध गरेका छन्। ‘५०५०१ मुभमेन्ट’ नामको समूहले राजधानी वाशिङ्टनमा भेला भएर विरोध प्रदर्शन गरेको हो।
५० राज्यमा ५० विरोध र एक दिनको रूपमा सो मुभमेन्ट नामकरण गरिएको हो। मुभमेन्टको नेतृत्व अवकाश प्राप्त शिक्षक यायोभेन बाइसिकले गरेकी छन्।
उनीहरूले ट्रम्प प्रजातन्त्र विरोधी हुँदै गएकाले सडकमा उत्रेर प्रदर्शन गर्नु आवश्यक भएको बताएका छन्।
प्रतिक्रिया