ललितपुर– ललितपुर महानगरपालिकाको १०७ औं स्थापना दिवसको अवसरमा सशस्त्र प्रहरी बल, नेपाल नं. २१ दक्षिणकाली गणलाई ‘ललितपुर महानगर गौरव पुरस्कार’ प्रदान गरिएको छ।

महानगरपालिकाको पुल्चोकस्थित प्राङ्गणमा पौष २ गते आयोजित विशेष समारोहमा प्रमुख अतिथि प्रधानमन्त्री सुशीला कार्कीले गणलाई उक्त पुरस्कार प्रदान गरेका छन् ।

विपद् व्यवस्थापन तथा उद्धार कार्यमा गणले पुर्‍याएको उल्लेखनीय योगदानको कदरस्वरूप ललितपुर महानगरपालिकाले नगद एक लाख रुपैयाँसहित गणका गणपति सशस्त्र प्रहरी उपरीक्षक राजेश लामिछानेलाई सम्मानपत्र प्रदान गरेको हो।

कार्यक्रममा गृहमन्त्री ओमप्रकाश अर्याल, ललितपुर महानगरपालिकाका प्रमुख चिरीबाबु महर्जन, उपप्रमुख मञ्जली शाक्य, ललितपुरका प्रमुख जिल्ला अधिकारीसहित विभिन्न स्थानीय प्रतिनिधिहरूको उपस्थिति रहेको थियो।