काठमाडौं– श्रम संस्कृति पार्टीले पार्टी उपाध्यक्ष राजकुमार तामाङ (देवराज लामा) लाई पदबाट निलम्बन गरेको छ।

अध्यक्ष हर्क साम्पाङद्वारा हस्ताक्षरित विज्ञप्ति अनुसार तामाङलाई विगत केही वर्षदेखि भएका राजनीतिक गतिविधिका कारण २०८२ साल भदौ १ गतेदेखि अनुसन्धानका लागि नियन्त्रणमा लिइएको थियो। 

सरकारी अनुसन्धानमा कुनै किसिमको प्रभाव वा दबाब नपरोस् भन्ने उद्देश्यले अनुसन्धानको अन्तिम टुंगो नलागुन्जेलसम्मका लागि उनलाई पार्टीको उपाध्यक्ष पदबाट निलम्बन गरिएको जनाइएको छ।

पार्टीले उक्त निर्णय आजकै मितिदेखि लागू हुने गरी गरिएको स्पष्ट पारेको छ। यो निर्णयबारे सबैलाई जानकारी गराउन विज्ञप्ति जारी गरिएको केन्द्रीय गरेका छन्।

उपाध्यक्ष तामाङमाथि भइरहेको अनुसन्धानको विषय र प्रकृतिबारे भने खुलाइएको छैन।