काठमाडौं – नेपाल प्रिमियर लिग (एनपीएल)को उद्घाटन खेलमा काठमाडौं गुर्खाजका बलर मिलिन्द कुमारको बलिङ चम्किदा साविक बिजेता जनकपुर बोल्ट दबाबमा परेको छ ।

१३ दशमलव ३ ओभरको खेल भइसक्दा अर्धशतक प्रहार बनाएका ओपनर ब्याटर आशिफ शेख पनि आउट भएपछि जनकपुरको ब्याटिङ दबाबमा परेको हो ।

आशिफ ४१ बलमा ६ चौका र १ छक्काको सहयोगमा ५४ रन बनाएर मैदानबाट बाहिरिए । उनी काठमाडौंका शाहब आलमको बलमा गेरहानर्ड इराम्मसमार्फत क्याच आउट भएका हुन् ।

१५ ओभरको समाप्तिमा जनकपुर पाँच विकेटको क्षतिमा ८५ रनको दयनीय अवस्थामा छ ।

त्यसअघि अर्का ओपनर लाहिरु मिलन्था दोहोरो अंक नजोडी पवेलियन फर्किए । १२ बल खर्चेर ७ रन जोडेका उनलाई मिलिन्द कुमारले जोन सिम्पसनमार्फत् क्याट आउट गराएका हुन् ।

सुरुवातमा मिलन्दको बलिङ चम्कियो । उनले कप्तानसमेत रहेका अनिल साहलाई रनको खाता खोल्न नदिइ गेरहार्ड इरास्मसमार्फत् क्याच आउट गराए ।

जनकपुरका जान निकोल लोफ्टी-इटन मिलन्दाको बलमा बोल्ट भए । मिलन्दको बलिङले गर्दा जनकपुरको ब्याटिङ धर्मराएको छ ।

मिलन्दाले महत्त्वपूर्ण तीन विकेट लिँदा सन्तोष यादवले एक विकेट लिए । सन्तोले सञ्जय कृष्णमूर्ति बोल्ट गराए ।