काठमाडौं– नेपाली कांग्रेसका नेताहरूले पार्टीको महाधिवेशनलाई कुनै पनि बहानामा सार्न नहुनेमा जोड दिएका छन् ।
पार्टी कार्यालय सानेपामा जारी कांग्रेस केन्द्रीय कार्यसमिति बैठकमा शुक्रबार धारणा राख्ने सदस्यहरूले बैठकले कार्यतालिका निर्माण गरेर महाधिवेशनको मिति तोक्नुपर्ने समेत जनाएका छन् ।
प्रतिनिधिसभा निर्वाचनलाई ध्यानमा राखेर तत्काल १५ औ महाधिवेशनलाई छिटो सम्पन्न गर्नुपर्ने उनीहरूको सुझाव छ ।
बैठकमा जेन-जी आन्दोलनपछिको परिस्थिति, संसद् विघटन, प्रतिनिधिसभा निर्वाचन, पार्टीको भातृ संगठन लगायतका विषयमा केन्द्रीय सदस्यहरूले धारणा राखिरहेको कांग्रेसले जनाएको छ । बैठक केही दिन चल्ने बताइएको छ ।
प्रतिक्रिया