महेन्द्रनगर– सुदूरपश्चिम प्रदेशका मुख्यमन्त्री कमलबहादुर शाहले सुदूरपश्चिम विश्वविद्यालयलाई नमूना विश्वविद्यालय बनाउनका लागि सबैको सहयोग आवश्यक रहेको बताएका छन् । 

विश्वविद्यालयको १६ औँ स्थापना दिवसका अवसरमा मंगलबार महेन्द्रनगरमा आयोजित कार्यक्रमलाई सम्बोधन गर्दै उनले सबैको सहयोगले नमूना विश्वविद्यालय बनाउन सकिने बताए । 

‘कृषि, पर्यटन, धार्मिक पर्यटन क्षेत्रको विकास र प्रवर्द्धनको विषयमा अध्ययन-अध्यापन हुनुपर्छ,’ मुख्यमन्त्री शाहले भने, ‘रोजगारी र उत्पादन बढाउने र हाम्रो सीप र क्षमतालाई विश्व बजारमा लैजानु पर्छ ।’ 

उनले प्रदेश सरकार सुदूरपश्चिम विश्वविद्यालयलाई सहयोग गर्न तयार रहेको समेत बताए । कार्यक्रममा २५ वर्षदेखि निरन्तर कार्यरत ४३ कर्मचारी र प्राध्यापकलाई दीर्घ सेवा पदक एवं प्रमाणपत्र वितरण गरिएको थियो ।