काठमाडौं– इजरायली आक्रमणमा परी गाजा क्षेत्रमा खानेकुरा प्राप्त गर्न व्यग्र भएर बसेका ४५ जना भोका प्यालेस्टाइनी मारिएका छन् । गाजामा रहेको स्वास्थ्य मन्त्रालयले जनाएअनुसार संयुक्त राष्ट्रसंघले प्रदान गर्ने खानेकुरा पाउने आशामा लाइन लागेका प्यालेस्टाइनीहरु इजरायली आक्रमणमा परी मारिएका हुन् ।

समाचार संस्था एपीका अनुसार उनीहरु कुन अवस्थामा मारिएका हुन् भन्ने स्पष्ट भइसकेको छैन । गाजामा रहेका अधिकारीलाई उद्धृत गर्दै समाचार संस्था एपीले जनाएअनुसार इजरायली फौजले प्यालेस्टाइनीहरुमाथि जथाभावी गोली चलाएका थिए ।

गत महिना अमेरिका र इजरायलले गाजा क्षेत्रमा खानेकुरा वितरण केन्द्र स्थापना गरेका थिए । इजरायली फौजले सोही केन्द्रहरुलाई लक्षित गरी आक्रमण गर्दै आएको बताइन्छ ।