काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्ड रूपन्देही पुगेका छन् । पूर्व पश्चिम हुलाकी लोकमार्ग केन्द्रित जनतासँग माओवादी तराई–मधेस जागरण अभियानका क्रममा प्रचण्ड रूपन्देही पुगेका हुन् ।
बुधबार नवलपरासी हुँदै रूपन्देहीको भैरहवा पुगेका दाहाल आज बिहानै कार्यकर्ताका साथ ‘मर्निङ वाक’मा निस्केका छन् । प्रचण्ड आज रूपन्देहीमा हुने विभिन्न कार्यक्रममा सहभागी हुनेछन् ।
यसपटकको जागरण अभियानमा पूर्वउपराष्ट्रपति नन्दकिशोर पुनसमेत सहभागी छन् ।
नयाँ वर्षको अवसर पारेर माओवादीको तराई–मधेश जागरण अभियान वैशाख १ गते नवलपुरको गैँडाकोटबाट पुनः सुरु गरेको हो ।
यसअघि फागुन १२ गते झापाबाट सुरु भएको अभियान काठमाडौँमा राजावादीको गतिविधि बढेको भन्दै फागुन २४ गते रौतहट पुगेर स्थगित गरेको थियो ।
प्रतिक्रिया