काठमाडौं – आर्सनल युरोपेली च्याम्पियन्स लिगको सेमिफाइनलमा प्रवेश गर्दा रियल म्याड्रिड बाहिरिएको छ।
रियल म्याड्रिडलाई समग्रमा ५-१ ले हराउँदै आर्सनल सेमिफाइनलमा प्रवेश गरेको हो। पहिलो लेगमा ३-० को जित हात पारेको आर्सनलले बुधबार भएको खेलमा २-१ को सफलता पाएको हो।
सो खेलमा आर्सनलका बुकायाका साकाले पेनाल्टी खेर फालेका थिए। उनले १३ औँ मिनेटमा प्रहार गरेको पेनाल्टी रियलका गोलरक्षक थियाबउट काउरटिसले बचाए।
साकाले नै ६५ औँ मिनेटमा मिकेल मेरिनोको पासमा गोल गरे । त्यसको दुई मिनेटपछि रियलका लागि भिन्सियस जुनियरले गोल गरे। इन्जुरी समयमा आर्सनलका गाब्रियल मार्टिनेलीले गोल गरे।
प्रतिक्रिया