काठमाडौं – काठमाडौंस्थित भारतीय दूतावासले उडिसा राज्यस्थित केआईआईटी विश्वविद्यालयमा नेपाली विद्यार्थीको मृत्यु भएको घटना दुर्भाग्यपूर्ण भएको बताएको छ ।

सोमबार एक विज्ञप्ती जारी गर्दै दूतावासले घटनाको सम्बन्धमा अनुसन्धान सुरु भइसकेको जानकारी गराएको हो । केआईआईटी विश्वविद्यालयले नेपाली विद्यार्थीहरूलाई शैक्षिक रुपमा परेको क्षतिको पनि जिम्मेवारी लिने आश्वासन दिएको दूतावासको विज्ञप्तीमा उल्लेख गरिएको छ ।

साथै भारत सरकारले भारतमा नेपाली विद्यार्थीहरूको हकहित सुनिश्चित गर्न सबै आवश्यक कदम चाल्ने पनि बताइएको छ ।

‘केआईआईटीले नेपाली विद्यार्थीहरूलाई क्याम्पसमा फर्कन, आफ्नो कक्षा पुनः सुरु गर्न र छात्रावासमा बस्न अपील पनि गरेको छ। केआईआईटीले विद्यार्थीहरूलाई शैक्षिक रुपमा परेको क्षतिको पनि जिम्मेवारी लिने आश्वासन दिएको छ।भारतमा अध्ययनरत नेपाली विद्यार्थीहरू दुई देशबीचको स्थायी जनस्तर सम्बन्धका महत्त्वपूर्ण पक्ष हुन्। भारत सरकारले भारतमा नेपाली विद्यार्थीहरूको हकहित सुनिश्चित गर्न सबै आवश्यक कदम चाल्नेछ’ विज्ञप्तीमा उल्लेख छ ।

याे पनि

ज्यादतीपूर्वक निकालिएका ७ सय नेपाली विद्यार्थीले भारतीय कलेजमै फर्किन पाउने

साथीको शंकास्पद मृत्युबारे बोल्दा ७ सयभन्दा बढीलाई कुटपिट गर्दै कलेजबाट निकालियो