काठमाडौं– एक करोडदेखि एक अर्बसम्म चुक्ता पुँजी भएका कम्पनीको सङ्ख्या २ लाख बढी पुगेको छ। कम्पनी रजिस्ट्रारको कार्यालयले दिएको तथ्याङ्क अनुसार एक करोडदेखि एक अर्बसम्म पुँजी भएका कम्पनीको सङ्ख्या २ लाख ६ हजार ६९१ वटा पुगेको हो । 

जसमा एक करोडदेखि १० करोडसम्म १ लाख ७९ हजार १३१ वटा, १० करोड देखि २० करोडसम्म चुक्ता पुँजी भएका १२ हजार १६८ वटा, २० करोड रुपैयाँ देखि ३० करोड रुपैयाँसम्म चुक्ता पुँजी भएका ५ हजार ६९४ वटा, ३० करोड रुपैयाँ देखि ४० करोड रुपैयाँसम्मका १ हजार ८३३ वटा र ४० करोड रुपैयाँ देखि ५० करोड रुपैयाँसम्मको ४ हजार ३५२ वटा कम्पनी हरेको छ । 

त्यस्तै, चुक्ता पुँजी ५० करोड रुपैयाँ देखि ६० करोडसम्मको ८१३ वटा कम्पनी रहेका छन् भने ६० करोड रुपैयाँ देखि ७० करोड रुपैयाँसम्मको ५०९ वटा कम्पनी रहको रजिस्ट्रारको कार्यालयले दिएको तथ्याङ्कमा देखिएको छ । 

साथै, चुक्ता पुँजी ७० करोड रुपैयाँ देखि ८० करोडसम्म ४८९ वटा, ८० करोड रुपैयाँ देखि ९० करोड रुपैयाँसम्मको २५१ वटा र ९० देखि १ अर्ब रुपैयाँसम्मको १ हजार ४५१ वटा कम्पनी रहेको कार्यालयले दिएको तथ्याङ्कमा उल्लेख छ । 

पब्लिक कम्पनीको सङ्ख्या मात्र १ हजार ४८ वटा रहेको कार्यालयले दिएको तथ्याङ्कमा छ ।