काठमाडौं – फागुन २३ गते प्रदर्शन मिति तोकिएको फिल्म ‘होस्टल-३’को पहिलो गीत ‘टिक टिक’ सार्वजनिक भएको छ । गीतमा अलमोडा राणा उप्रेतीको शब्द, सङ्गीत र स्वर रहेको छ भने सन्तोष राणाले र्‍यापमा स्वर दिएका छन् ।

उक्त गीतमा भिडियोमा फिल्मका केन्द्रीय कलाकारहरू पारस बम (कुल ब्वाई), रिहान गिरी, आशिष घिमिरे, पदम तामाङ, अभिनेत्रीहरू सिम्रन पन्त, हेना नगरकोटी, र समा पराजुली फिचर्ड छन् ।

भिडियोमा कलेजका विद्यार्थीहरूले एकआपसमा रमाइलो गरिएको देख्न सकिन्छ । भिडियोमाफर्त कलेजका साथीहरूको आत्मीयता देखाएको छ । गीतको शब्दले कलेज जीवनका उतारचढाव समेटेको छ ।

‘होस्टेल ३’ नेपालको चर्चित चलचित्र शृङ्खला ‘होस्टेल’ को तेस्रो संस्करण हो । चलचित्रको निर्देशन सशान कँडेलले गरेका हुन् । स्क्रिप्ट माधव शर्माले लेखेका छन् । कथा निर्देशक कँडेलकै हो । यसमा क्याम्पस जीवनका सङ्घर्ष, मित्रता र रमाइलो क्षणहरूको कथा रहेको बताइएको छ।

चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू सुरेश कँडेल, कर्ण कार्की र गोविन्द अधिकारी तथा कार्यकारी निर्माता शङ्कर कोइराला हुन् ।

हेर्नुहोस् भिडियो :