काठमाडौँ– जेन–जी फन्टकी कर्णाली प्रदेश संयोजक विनिता बोगटीले आफूहरू नडराएको र नहराएको बताएकी छन्। सामाजिक सञ्जाल फेसबुकमार्फत उनले आफ्नो पुस्ता अन्याय नसहने बताएकी हुन्।

‘कर्णालीका जेन–जी न हराएका छन्, न डराएका छन्।
हेक्का रहोस्, हामी मौन बसेर अन्याय सहने पुस्ता होइनौँ,’ उनले भनेकी छन्।

दशकौँदेखि कर्णालीमा झाङ्गिँदै आएको बेथिति, भ्रष्टाचार र अकर्मण्य कर्मचारीतन्त्र अब उखेलिन सुरु भइसकेको उनको भनाइ छ।

‘दशकौँदेखि कर्णालीमा झाङ्गिँदै आएको बेथिति, भ्रष्टाचार र अकर्मण्य कर्मचारीतन्त्र अब उखेलिन सुरु भइसकेको छ
अब भाषण होइन, नतिजा चाहिन्छ,’ उनले थप भनेकी छन्, ‘अब योजना मात्रै होइन, कार्यान्वयन चाहिन्छ। संघ, प्रदेश र स्थानीय सरकारका जनप्रतिनिधि तथा कर्मचारीतन्त्रलाई हाम्रो स्पष्ट सन्देश आफ्नो जिम्मेवारी इमानदारी, पारदर्शिता र जनउत्तरदायित्वका साथ पूरा गरौँ। नत्र, जनताले हेरेर बस्ने छैनन्।’

उनले कर्णालीले अब दया नभई, न्याय र अधिकार माग्ने पनि बताइन्।
‘ कर्णाली अब आश्वासन होइन, परिवर्तन माग्छ। कणाली अब विकल्प कुर्दै बस्दैन, आफैँ बन्छ’ उनले भनेकी छन्।