काठमाडौं – नेकपा (एमाले)का नेता शंकर पोखरेलले पार्टी आन्दोलन र राष्ट्रको रक्षाका लागि सबै जुट्ने बताएका छन् ।

एमाले महाधिवेशनमा दोस्रो पटक महासचिवमा उम्मेदवारी दिएका नेता पोखरेलले सामाजिक सञ्जालमार्फत् यस्तो बताएका छन्। राष्ट्रको रक्षा सबैको कार्यभार भएको बताउँदै उनले यस्तो बताएका हुन् ।

‘पार्टी, आन्दोलन र राष्ट्रको रक्षा हामी सबैको कार्यभार’, पोखरेलले फेसबुकमा लेखेका छन्, ‘हामी सबै जुट्नेछौँ, हामी सबै जित्नेछौँ ।’

एमाले ११ औं महाधिवेशनमा मंगलबार मतदान हुँदैछ । काठमाडौंको भृकुटीमण्डपमा दिउँसो ४ बजेपछि मतदान हुँदैछ ।

अध्यक्षमा केपी शर्मा ओली र ईश्वर पोखरेलले प्रतिस्पर्धा गर्दैछन् भने महासचिवमा शंकर पोखरेल र सुरेन्द्र पाण्डे मैदानमा छन् ।