काठमाडौं– चितवनका नेकपा माओवादी केन्द्रका विभिन्न तहमा रहेका कार्यकर्ताहरूले प्रगतिशील राष्ट्रिय अभियानमा समाहित भएको घोषणा गरेका छन् ।  

आइतबार चितवनको भरतपुरमा पत्रकार सम्मेलनको आयोजना गरेर उनीहरूले कम्युनिस्ट एकतामा सहभागी नभई देश र जनता र युगबोध अनुसार नयाँ ढगले राजनीतिक पुनर्गठन गर्ने उद्देश्यले प्रगतिशील राष्ट्रिय अभियानमा समाहित भएको घोषणा गरेका हुन् ।

प्रगतिशील राष्ट्रिय अभियान चितवन जिल्ला घोषणा गर्दै चितवनका संयोजक दीपक शाहीले देशमा सुशासन स्थापना भ्रष्ट्राचार नियन्त्रणका युगबोध अनुसारको राजनीतिक दल निर्माण गर्दै एक व्यक्तिवादी निरकुंश केन्द्रीयतामा चल्दै आएको पार्टी सञ्चालन पद्धतिलाई अन्त्य गरिने बताए । उनले जनताद्वारा जनतामाथि चल्ने विशुद्ध जनवादी संरचना तथा शासन प्रणाली स्थापित गर्ने मूल लक्ष्य हुने उल्लेख गरे ।

त्यस्तै प्रगतिशील राष्ट्रिय अभियानमा समाहित भएका नेता सुदर्शन पौडेलले जेन-जी आन्दोलनपछि पनि दलहरू सच्चिने अवस्था नदेखिएपछि एकता प्रक्रियाबाट अलग भएको बताए । 

मुलुकमा राजनीतिक परिवर्तन भए पनि जनताको समस्या समाधान हुन नसकेपछि जेन-जी विद्रोह भएको र अव सबैले त्यसको भावनालाई आत्मसाथ गर्नुपर्नेमा जोड दिए ।

कार्यक्रममा अन्य नेताहरूले देशलाई जनताको चाहना अनुरूप अघि बढाउनका लागि प्रगतिशील राष्ट्रिय अभियानमा समाहित हुन आह्वान गरेका थिए ।