काठमाडौं- ललितपुरमा बुधबारदेखि जारी दशौँ केन्द्रीय कमिटी बैठकस्थलत राजबाघ महल पार्टी प्यालेस क्षेत्रमा बिहीबार तीन घण्टा बिजुली गएको छ ।

करिब ४ सय जना नेताहरू सहभागी बैठकमा तीन घण्टासम्म बिजुली गएपछि एमालेभित्र खैलाबैला भएको छ।

केही एमाले नेताहरूले सरकारले त्यस क्षेत्रको बिजुली नियतवश सरकारले काटेकोसम्म भन्न भ्याएका छन् ।

दोस्रो दिनको बैठक समापनपछि बोल्दै एमाले प्रचार विभाग प्रमुख राजेन्द्र गौतमले यसलई लापरबाहीको संज्ञा दिँदै सरकारको ध्यानाकर्षण गराएका छन् ।

उनले बैठक चलिरहँदा पार्टी प्यालेस क्षेत्रमा तीन घण्टासम्म बिजुली गएकाले नेता-कार्यकर्तालाई समस्या भएको गुनासो गरे ।

‘हाम्रो बैठक चलिरहेका बेला तीन घण्टासम्म बिजुली आएन’, उनले भने, ‘पहिले केहीबेर जाँदा खैलाबैला हुन्थ्यो । अहिले तीन घण्टासम्म गयो । खै कुलमानजी कता हुनुहुन्छ कुन्नि ?’

उनले यसमा सरकारको ध्यानाकर्षण नपुगेको या हेलचेक्र्याँइ गरिएको पनि हुन सक्ने गौतमले बताएका छन् ।