काठमाडौं – नेपाली कांग्रेस केन्द्रीय समिति बैठक बिहीबार दिउँसो बस्दै छ । मंगलबारबाट सुरु भएको बैठक बिहीबार दिउँसो १ बजे पुनः बस्न लागेको हो । बैठक केन्द्रीय कार्यालयका सानेपामा बस्नेछ ।

केन्द्रीय समिति बैठकअघि बिहीबार बिहान कार्यसम्पादन समितिको बैठक बस्दैछ। कार्यसम्पादन समिति बैठकले केन्द्रीय समिति बैठकका एजेण्डा तय गर्ने पार्टी केन्द्रीय सचिवालयले जानकारी गराएको छ ।

कांग्रेस सभापति शेरबहादुर देउवाले पार्टीको कार्यवाहक सभापतिको जिम्मेवारी उपसभापति पूर्णबहादुर खड्कालाई दिएपछि बैठक बस्न लागेको हो । आजको बैठकको अध्यक्षता कार्यवाहक सभापति खड्काले गर्नेछन् ।

बुधबार मात्र कांग्रेस नेता गुरुराज घिमिरे लगायतले विशेष महाधिवेशनको माग गर्दै हस्ताक्षरसमेत बुझाइसकेका छन् । बैठकमा यो विषयलेसमेत महत्त्व पाउने देखिन्छ ।