काठमाडौँ- प्रधानमन्त्री सुशीला कार्कीले वरिष्ठ नेत्र चिकित्सक सन्दुक रूइतसँग छलफल गरेकी छन् ।

मंगलबार तिलगंगा आँखा प्रतिष्ठानमा पुगेर प्रधानमन्त्री कार्कीले रूइतसँग आफ्नो नेतृत्वको सरकारमा सहभागी हुनेबारे छलफल गरेकी हुन्।

प्रधानमन्त्री कार्कीले विशेष परिस्थितिमा आफूले सरकारको नेतृत्व गर्नुपरेकाले सहयोग गर्न डा. रूइतसँग आग्रह गरेकी हुन् ।

जवाफमा डा रूइतले सरकारलाई सहयोग गर्ने तर मन्त्री बनेर सहभागी हुन नसक्ने जवाफ दिएका छन् ।

छलफलपछि डा. रूइतले आफूले अस्पतालको काम र बिरामीलाई छाड्न नसक्ने पत्रकारहरूलाई बताएका छन् ।

भदौ २३ र २४ गते भएको जेन–जी आन्दोलनपछि बनेको अन्तरिम सरकारको मन्त्री बन्ने चर्चा चलेपछि रुइतले आफ्नो जिम्मेवारी नछाड्ने बताएका हुन् ।

रूइतले आफू चिकित्सकीय पेशामार्फत नागरिकको सेवामा तल्लिन हुने कुरा उनल बताउँदै आएका छन् ।