नयाँ दिल्ली– चीनका विदेशमन्त्री वाङ्ग यी तीन दिने भारत भ्रमणमा आउने भएका छन् । भारत र चीनबीच सीमा क्षेत्रबारे हुने वार्तामा सहभागी हुन उनी नयाँ दिल्ली आउन लागेका हुन् । 

चिनिया विदेश मन्त्रालयका प्रवक्ताले विदेशमन्त्री वाङ्ग तीन दिने भ्रमणका लागि भारत आउन लागेका पुष्टि गरेका छन् । दुवै देशका विशेष प्रतिनिधिहरूबीच सीमा क्षेत्रबारे हुन गइरहेको यो वार्ता २४ औँ वार्ता हो ।  

प्रवक्ताका अनुसार भारतको निमन्त्रणामा विदेशमन्त्री वाङ्ग अगस्ट १८–२० सम्म भारतमा रहने छन् । उनी चिनियाँ कम्युनिस्ट पार्टी (सीपीसी) केन्द्रीय समितिमा राजनीतिक ब्युरो सदस्य छन् । 

यसका साथै विदेशमन्त्री वाङ्ग चीन–भारत सीमा मामिलाका लागि चिनियाँ विशेष प्रतिनिधिसमेत हुन् ।