काठमाडौं– नवनियुक्त संघीय मामिला तथा सामान्य प्रशासन मन्त्री भगवती न्यौपानेले पदभार ग्रहण गरेकी छन्।

बुधबार अपरान्ह शीतल निवासमा पद तथा गोपनीयताको शपथ लिएपछि उनी साँझ सिंहदरबार पुगेर पदभार ग्रहण गरेकी हुन्।

प्रधानमन्त्री केपी शर्मा ओलीको सिफारिसमा मन्त्री बनेकी न्यौपानेलाई बुधबार अपरान्ह राष्ट्रपति रामचन्द्र पौडेलले शपथ गराएका थिए ।

राष्ट्रिय सभाकी सदस्य उनी अबको फागुनसम्म मन्त्री पदमा रहने निश्चित छ ।

तत्कालीन मन्त्री राजकुमार गुप्ता पोखराको १३५ रोपनी जग्गा व्यक्तिको नाममा ल्याउन बनाइएको घुस प्रकरणमा मुछिएपछि मंगलबार राजीनामा दिन बाध्य भएका थिए ।

उनी पदमुक्त भएसँगै न्यौपानेलाई सामान्य प्रशासन मन्त्रालयको जिम्मेवारी दिइएको छ ।