काठमाडौं– नेपाल यातायात व्यवसायी महासंघका अध्यक्ष विजय बहादुर स्वाँरले काठमाडौं उपत्यकामा सार्वजनिक सवारीसाधनको संख्या पर्याप्त भएको तर व्यवस्थापनमा कमजोरी रहेको बताएका छन् ।

महानगर यातायात प्रालिद्वारा विद्युतीय बस सेवा शुभारम्भ समारोहमा बोल्दै अध्यक्ष स्वाँरले सार्वजनिक यातायात प्रणालीको वर्तमान अवस्थाप्रति यस्तो बताएका हुन । 

स्वाँरले सार्वजनिक यातायात व्यवसायीले थोरै मार्जिन लिएर व्यवसाय सञ्चालन गर्नु पर्ने भएकाले गर्दा गर्दा यात्रुलाई पर्याप्त सुविधा दिन नसकेको बताए । 

 भौतिक पूर्वाधार तथा यातायात मन्त्री देवेन्द्र दाहाल प्रमुख अतिथिका रूपमा सहभागी कार्यक्रममा स्वाँरले सरकारले सार्वजनिक यातायातको विषयमा ध्यान दिनुपर्ने बताए । 

महानगर यातायातले विद्युतीय सार्वजनिक सवारीको प्रवर्द्धनले प्रदूषण नियन्त्रणसँगै यात्रु सुविधामा सुधार ल्याउने विश्वास व्यक्त गरेको छ ।