काठमाडौं– भारतीय प्रधानमन्त्री नरेन्द्र मोदीले भारत चाँडै विश्वको तेस्रो ठूलो अर्थतन्त्र बन्ने बताएका छन् । साइप्रस भ्रमणका क्रममा प्रधानमन्त्री मोदीले भारतले चाँडै तेस्रो ठूलो अर्थतन्त्र बन्ने विश्वास व्यक्त गरेका हुन् ।

व्यवसायिक प्रतिनिधिहरुलाई सम्बोधन गर्दै प्रधानमन्त्री मोदीले भारतको आर्थिक विकासबाट साइप्रसका व्यवसायीका लागि पनि लगानीको अवसर मिल्ने जनाए । उक्त व्यवसायिक प्रतिनिधिहरुसँगको भेटवार्ताका क्रममा साइप्रसका राष्ट्रपति निकोस क्रिस्टोडोलिडेस पनि सहभागी रहेको भारतीय समाचार संस्था प्रेस ट्रष्ट अफ इण्डियाले उल्लेख गरेको छ ।

प्रधानमन्त्री मोदीले आफ्नो मुलुकमा आर्थिक विकासलाई तीव्र गतिमा अघि बढाउनका लागि वस्तु तथा सेवा कर, कर्पोरेट करलगायत कर प्रणालीमा सुधार गरिएको बताए । उनले नागरिक उड्डयन, बन्दरगाह, पानीजहाज निर्माण, डिजिटल भुक्तानीजस्ता क्षेत्रमा हाल भारतले विशेष भ्यान दिइरहेको उल्लेख गरे ।

जी ७ को शिखर सम्मेलनका लागि क्यानाडा जानुअघि प्रधानमन्त्री मोदी साइप्रस पुगेका हुन् । कुनै पनि भारतीय प्रधानमन्त्रीले साइप्रसको भ्रमण गरेको २३ वर्षमा यो पहिलो पटक हो ।