स्कटल्याण्ड – स्कटल्याण्डमा जारी त्रिदेशीय टी–२० अन्तर्राष्ट्रिय सिरिजअन्तर्गत आजको खेलमा नेदरल्यान्ड्सले नेपाललाई जितका लागि १५३ रनको लक्ष्य दिएको छ।

ग्लासगोस्थित टिटवुड क्रिकेट मैदानमा टस हारेर पहिले ब्याटिङ गरेको नेदरल्यान्ड्सले निर्धारित २० ओभरमा ७ विकेट गुमाउँदै १५२ रन बनायो।

नेदरल्यान्ड्सका लागि तेजा निदामानरुले सर्वाधिक ३५ रन बनाए। त्यस्तै विक्रमजित सिंहले ३०, साकिब जुल्फिकारले २५, माइकल लेभिटले २०, म्याक्स ओ’डाउडले १९, र ज्याक लायन(क्याचेटले ११ रनको योगदान दिए।

नेपालका लागि स्पिनर सन्दीप लामिछानेले उत्कृष्ट प्रदर्शन गरे। उनले आफ्नो ४ ओभरको स्पेलमा मात्र १८ रन खर्चेर ३ महत्त्वपूर्ण विकेट लिए।

त्यस्तै, नन्दन यादवले २ विकेट, र ललित राजवंशी तथा कुशल भुर्तेलले एकरएक विकेट लिए।