काठमाडौं– सोमबार नेपाल स्टक एक्सचेञ्ज (नेप्से) झिनो अंकले बढेको छ । आइतबारको तुलनामा सोमबार कारोबार रकम बढेपनि नेप्से भने २.८० अंकले मात्रै बढेको हो ।

सोमबार नेप्सेमा १३ अर्ब १८ करोड ६९ लाख ४५ हजार सात सय ४२ रुपैयाँको कारोबार हुँदा नेप्से २६५८.६६ अंकमा पुगेको छ । सोमबार नेप्सेमा शेयर कारोबार हुँदा १२४ वटा कम्पनीको शेयर मूल्य वृद्धि भयो भने १२४ वटा कम्पनीको शेयर मूल्यमा गिरावट आयो ।

आज नेप्से झिनो अंकले वृद्धि भएपनि वित्त, हाइड्रो, इन्भेष्टमेन्ट, म्यानुफ्याक्चरिङ र अन्य उपसमूहको सूचकांक घट्न पुगेको छ । तर, बैंकिङ विकास बैंकिङ, होटेल तथा टुरिजम, लाइफ इन्स्योरेन्स, लघुवित्त, म्युचुअल फन्ड, निर्जीवन बीमा र व्यापार समूहको सूचकांक भने बढेको छ ।

आजको शेयर कारोबारमा पियोर इनर्जी लिमिटेडका शेयर कारोबारीले सबैभन्दा धेरै नाफा आर्जन गरेका छन् भने उपर हेवाखोला हाइड्रोपावरको शेयर कारोबारीले सबैभन्दा धेरै गुमाएका छन् ।