काठमाडौं– प्रभु महालक्ष्मी लाइफ इन्स्योरेन्सले हकप्रद शेयर जारी गर्ने भएको छ । कम्पनीले हकप्रद शेयर निष्कासनको एजेण्डासहित वार्षिक साधारणसभा बोलाएको छ । 

कम्पनीका सचिव किशोर प्रसाद लामिछानेका अनुसार इन्स्योरेन्सले चुक्ता पुँजीको ७ प्रतिशत हकप्रद शेयर जारी गर्ने भएको छ । कम्पनीले शेयरधनीलाई बोनस समेत दिने भएको छ । 

कम्पनीले चुक्ता पुँजीको ८ प्रतिशत बोनस शेयर र त्यसमा लाग्ने कर प्रयोजनका लागि ०.४१२ प्रतिशत नगद लाभांश दिने भएको छ । 

बोनस शेयर र हकप्रद शेयर जारी गर्ने र वार्षिक साधारणसभाका लागि कम्पनीले जेठ १६ गते बुक क्लोजको मिति तय गरेको छ । जेठ १५ गतेसम्म कायम हरेको शेयरधनीले मात्र कम्पनीले वितरण गर्ने बोनस, हकप्रद र साधारणसभामा भाग लिन पाउने छन् । 

कम्पनीको साधारणसभा जेठ २६ गते सोमबार काठमाडौंमा बिहान ११ बजेदेखि हुने भएको छ ।