काठमाडौं– राप्रपा नेपालको केन्द्रिय समितिको बिस्तारित बैठक आगामी जेठ १३ गते काठमाडौंमा बोलाइएको छ । बैठकमा जिल्ला अध्यक्ष र जनवर्गीय संगठनमा प्रमुखहरूको समेत सहभागिता रहने पार्टीका महामन्त्री राजाराम बर्तौलाले जानकारी दिए ।
आगामी जेठ १५ देखि संयुक्त जनआन्दोलन समितिको आयोजनामा काठमाडौंमा हुन लागेको अनिश्चितकालीन जनआन्दोलनलाई दृष्टिगत गरि रणनीति निर्माणको लागि बैठक बोलाइएको हो ।
नवराज सुवेदीको संयोजकत्वमा बनेको संयुक्त जनआन्दोलन समितिमा राप्रपा ,राप्रपा नेपाल , नेपाली काङ्ग्रेस (बिपि) ,शिव सेना नेपाल , दुर्गा प्रसाईं नेतृत्वको राष्ट्र बचाउ महाअभियान लगायत ४४ संघ संस्थाहरूको सहभागिता रहेको छ ।
प्रतिक्रिया