काठमाडौं- स्थानीय उत्पादनलाई प्रोत्साहन गर्ने उद्देश्यले काठमाडौंको मीन भवनमा कन्दमुल एग्रो एण्ड फार्म खुलेको छ।

बुधबार फार्मको उद्घाटनका क्रममा नेपाली बजारमा स्थानीय उत्पादनको प्रोत्साहन र प्रचार गर्ने उद्देश्यमा आधारित आफ्ना योजना सार्वजनिक गरिएको छ ।

परम्परा र प्रविधिको समिश्रण कन्दमूलले नेपाली माटोमा उब्जिएका ताजा, गुणस्तरीय ,प्राकृतिक तथा हस्तनिर्मित उत्पादनलाई हरेक नेपालीको घरसम्म पुर्‍याउने अभियानका रूपमा फार्म खोलिएको सञ्चालकले बताएका छन् ।

उद्घाटन समारोहमा फार्मका प्रबन्ध निर्देशक एन्जिला भट्टराईले नेपालका किसान र उद्यमीलाई सहयोग गर्दै अघि बढ्ने बताइन् ।

उनले स्थानीय किसान र उत्पादकसँग मिलेर दिगो कृषि र क्षेत्रीय अर्थतन्त्रलाई प्रोत्साहित गर्ने योजना सुनाइन्।

सामानहरू होम डेलिभरी पनि गर्ने उनले बताइन्। कन्दमूलले नेपाली परम्परा, स्वाद र स्वास्थ्यको संरक्षणका लागि कदम चालेको उनले बताइन् ।