काठमाडौं– साताको पहिलो दिन आइतबार नेपाल स्टक एक्सचेञ्ज (नेप्से) मा भएको शेयर कारोबारमा नेप्से २१.६३ अंकले घटेको छ ।

६ अर्ब ८३ करोड ६६ लाख ४० हजार ४०७ रुपैयाँको शेयर कारोबार हुँदा नेप्से परिसूचक घट्न गई ०.७९ प्रतिशतले पुँजीकरणसमेत घटेको हो ।

आइतबार नेप्सेमा भएको शेयर कारोबारमा २०७ वटा कम्पनीको शेयर मूल्यमा गिरावट आयो भने ३१ वटा कम्पनीको शेयर मूल्य वृद्धि भयो । त्यस्तै, ६ वटा कम्पनीको शेयर मूल्य भने स्थिर रहेको छ ।

आइतबार नेप्सेमा भएको शेयर कारोबारमा व्यापार समूह बाहेक अन्य सबै उपसमूह राताम्य बनेका छन् । तर, आज भएको शेयर कारोबारमा सामुदायिक लघुवित्त वित्तीय संस्थाका शेयर कारोबारीले सबैभन्दा धेरै नाफा कमाए भने ग्रिन डेभलपमेन्ट बैंकका शेयर कारोबारीले सबैभन्दा धेरै गुमाए ।