काठमाडौं – माधवकुमार नेपाल नेतृत्वको एकीकृत समाजवादीनिकट समाजवादी प्रेस संगठनको अध्यक्षमा पुनः शम्भु श्रेष्ठ चयन भएका छन् । उनी संस्थापक अध्यक्ष हुन ।

गत २८ जेठ २०८० मा भएको संगठन निर्वाचनमा अध्यक्षमा विजयी विश्वमणि सुवेदी ४ माघमा एमाले निकट प्रेस चौतारीमा प्रवेश गरेपछि समाजवादी प्रेस संगठन नेत्तृत्वबिहिन भएको थियो ।

सुवेदीसहित महासचिव रामकुमार एलन र केही पदाधिकारी पनि एमालेमा प्रवेश गरेपछि आइतबार भएको दोस्रो भेलाले श्रेष्ठलाई पुनः अध्यक्ष बनाएको हो । श्रेष्ठ दृष्टि साप्ताहिकका सम्पादक हुन ।

पार्टी अध्यक्ष माधवकुमार नेपालसँग तीव्र असन्तुष्ट सुवेदीले वामदेव गौतम एमालेमा जान लागेपछि उनी पनि एमालेमा नै फर्किएका थिए ।

यस्तै माहासचिवमा रोहित दाहाल चयन हुँदा भरतराज पोखरेल कोषाध्यक्ष बनेका छन् ।