काठमाडौं – स्पेनिस ला लिगाको शनिबार राति भएको खेलमा १० खेलाडीमा सीमित रियल म्याड्रिड ओसासुनासँग १/१ गोलको बराबरीमा रोकिएको छ।

सो खेलमा इंग्ल्यान्डका स्टार जुड बेलिङघमले रातो कार्ड पाएका थिए। खेलको १७ औँ मिनेटमा फ्रेडिको भेल्भार्डोको क्रसलाई उपयोग गर्दै केलिएन एम्बाप्पेले रियललाई अग्रता दिलाएको खेलको ३९ औँ मिनेटमा बेलिङघमले रातो कार्ड पाए।

पहिलो हाफमै १० खेलाडीमा सीमित भएको रियलविरुद्ध पाएको पेनाल्टीको उपयोग गर्दै ओसासुनले ५८ औँ मिनेटमा बराबरी गोल गरेको हो। उसका लागि एन्टे बुडिमिरले प्राप्त पेनाल्टीलाई उपयोग गरेका थिए।

यो बराबरी खेलपछि स्पेनिस लिगमा रियलको उपाधि यात्रा कठिन बनेको छ।

शनिबार भएका अन्य खेलमा डेपोर्टिभो अल्भास र लेगानेसको बिचमा ३/३, एट्लेटिको म्याड्रिड र सेल्टा भिगोको बिचमा १/१ तथा भिल्लारियल र भ्यालेन्सिया बिच १/१ गोलको बराबरी भएको छ।

स्पेनिस ला लिगाको तालिकामा रियल म्याड्रिडको ५१, एट्लेटिकोको ५० तथा एक खेल कम खेलेको बार्सिलोनाको ४८ अङ्क छ।