काठमाडौं – अमेरिकी हवाई तथा रक्षा उपकरण निर्माता कम्पनी बोइङका अध्यक्ष तथा प्रमुख कार्यकारी (सीईओ) आफ्नो पहिलो विदेश भ्रमणका क्रममा भारत पुगेका छन् । बोइङ कम्पनीका नयाँ सीइओ केली ओर्टबर्ग आफ्नो पहिलो विदेश भ्रमणका क्रममा भारत पुगेका हुन् ।

भारत भ्रमणका क्रममा ओर्टबर्गले भारतीय अर्थमन्त्री निर्मला सीतारमणसहित अन्य सरकारी अधिकारी तथा उद्योगपतिहरुसँग भेटवार्ता गरेको भारतीय अखबार द हिन्दुले जनाएको छ । भारतमा रहँदा उनले हैदरवाद र बैङ्गलुरुमा रहेका बोइङका कारखाना तथा कार्यालयको पनि भ्रमण गरेको जनाइएको छ ।

टाटासँग मिलेर बोइङले भारतमा हवाई तथा अन्य उपकरणको उत्पादन गर्दै आएको छ । तीनदिने भ्रमणका लागि भारत आएका उनको भ्रमणलाई गोप्य राखिएको द हिन्दुले जनाएको छ । ओर्टबर्गले गत अक्टोबर महिनामा कम्पनीको सीईओको जिम्मेवारी सम्हालेका थिए