काठमाडौं- नेकपा एमालेका अध्यक्ष केपी शर्मा ओलीले केन्द्रीय सदस्यको सूचीमा राखेका लालबाबु पण्डितले केन्द्रीय सदस्यमा उम्मेदवारी दिएका छन् ।

उता केन्द्रीय सदस्यको सूचीमै रहेका ओलीका अर्का विश्वासपात्र अग्नि खरेलले पनि स्वतन्त्र रुपमा सचिवमा उम्मेदवारी दिएका छन्।

उनीहरू दुवैजनाले कुनै हालतमा पछि नहट्ने बताए । लालबाबु पण्डितले आफूलाई उपेक्षा गरिएको भन्दै सचिवमा उम्मेदवारी दिएको जानकारी गराएका छन्।

दुवै नेताहरूलाई एमालेलाई समृद्ध र खुसी बनाउनका लागि सचिवमा उम्मेदवारी दिएको बताए । एकताबद्ध एमाले बनाउन आफूहरूले काम गर्ने दाबी पनि उनीहरूले गरेका छन्।

दुवै जनाले आफूलाई अध्यक्ष ओलीले पदाधिकारीमा नपत्याएकोमा चित्त दुखाएका छन् । उनीहरूले आफूहरूलाई नसोधी केन्द्रीय सदस्यमा राखेको बताएका छन् ।

खरेलले हरेकजसो राजनीतिक परिवर्तन राजनीतिक घटनाक्रमहरूमा ओलीलाई साथ दिएका थिए । उता पण्डित पूर्वराष्ट्रपति विद्यादेवी भण्डारीलाई रोक्ने ओलीको निर्णयको खुलेर बचाउमा उत्रिएका थिए । पूर्वराष्ट्रपतिका कडा आलोचक उनलाई पनि ओली नपत्याएपछि सचिवमा उम्मेदवारी दिए ।