एजेन्सी– सुडानको आधा भन्दा बढी जनसङ्ख्यालाई मानवीय सहायताको आवश्यकता रहको डेनमार्कको शरणार्थी परिषद्का महासचिव शार्लोट स्लेन्टेलाई उदृत गर्दै एएफपीले जनाएको छ ।  

अप्रिल २०२३ मा सुरु भएको सेना र अर्धसैनिक द्रुत समर्थन बल (आरएसएफ) बीचको युद्धले दशौं हजार मानिसहरूको ज्यान लिनुका साथै लगभग एक करोड २० लाख विस्थापित हुँदा मानवीय संकट निम्त्याएको जनाइएको छ ।

 स्लेन्टेले तीन करोड भन्दा बढी मानिसहरूलाई मानवीय सहायताको आवश्यकता परेको छिमेकी चाडको सीमावर्ती क्षेत्रको भ्रमण पछि बताएको एएफपीले जनाएको छ । विश्व ब्यांकका अनुसार सन् २०२४ मा सुडानको जनसङ्ख्या करिब ५ करोड थियो ।

पछिल्लो समयमा आरएसएफले १८ महिनाको घेराबन्दीसहित धेरै अत्याचारको रिपोर्ट पछि दारफुरमा सेनाको अन्तिम गढ–एल–फासेरको प्रमुख सहरको नियन्त्रण कब्जा गरेको छ ।

उक्त क्षेत्रमा अन्तर्राष्ट्रिय मानवीय कानुनहरू उल्लङ्घन गरी चरम मानवीयता विरोध क्रियाकलाप गरेको जनाउदै स्लेन्टेले एनजिओले सुडानमा सामूहिक हत्या र यौन हिंसाको प्रमाण देखेको बताएका छन् । 

नजरबन्द, अपहरण, जबरजस्ती विस्थापनलगायतका र यातनाहरू मौलाएको जनाउदै उहाँले अन्तर्राष्ट्रिय समुदायले पर्याप्त काम नगरेको आरोप लगाउनु भएको छ । 

पश्चिम कोर्डोफान राज्यको अन्तिम सेनाको गढ बाबानुसा सहर, उत्तरी कोर्डोफान राज्यको राजधानी एल–ओबिद र दक्षिण कोर्डोफानको काडुगली र डिलिङ जस्ता सहरहरू धेरै महिनादेखि घेराबन्दीमा रहेको जनाइएको छ ।
 
अन्तर्राष्ट्रिय समुदाय लगायत सम्बन्धि पक्षलाई जति सक्दो छिटो द्वन्द्वको व्यवस्थापन गरी अत्याचारहरू रोक्न स्लेन्टेले आग्रह गरे ।