काठमाडौं – नायक अनमोल केसी दशैँमा प्रदर्शनमा आएका तीन फिल्म ‘हरिबहादुरको जुत्ता’, ‘बलिदान’ र ‘माइतीघर’को कमजोर व्यापारबारे जानकार रहेका पाइएको छ ।

अनमोलले ती फिल्महरुको कमजोर व्यापारबारे टिप्पणी दिएका छन् ।

देशको परिस्थिति र माहोलले गर्दा फिल्महरुको व्यापार कमजोर भएको हुन सक्ने उनको बुझाइ छ ।

तर, कलाकार र मेकरहरुका लागि बक्स अफिस कलेक्सन मात्रै ठूलो कुरा नरहेको उनले बताए ।

उनले भने, ‘बक्स अफिस छुट्टै कुरा हो । तर, आर्शिवाद लिने चाँड दशैँ हो । यो चाँडमा दर्शकबाट सबै फिल्मका कलाकार र मेकरले आर्शिवाद पाउनु भयो यो विशेष कुरा हो ।

असोज ३१ बाट प्रदर्शनमा आउन लागेको अनमोल स्टारर फिल्म ‘जेरी अन टप’को पत्रकार भेटघाट कार्यक्रममा बुधबार प्रश्न सोधिएपछि उनले ती फिल्मको व्यापारप्रति आफ्नो दृष्टिकोण साझा गरेका हुन् ।