सुनसरी- सुनसरीको वराहक्षेत्र नगरपालिका-१ स्थित वराहक्षेत्र दर्शन गर्न आएका भक्तजनको भीरबाट झरेको ढुङ्गाले लागेर मृत्यु भएको छ ।

चतरा- वराहक्षेत्र सडक खण्डअन्तर्गत बाहुनी खोला भीरमा माथिबाट झरेको ढुङ्गाले लागेर सप्तरीबाट आएका भक्तजनको मृत्यु भएको वराहक्षेत्र-१ का वडासदस्य कुमार भट्टराईले जानकारी दिए ।

प्रहरीलाई उद्धृत गर्दै वडासदस्य भट्टराईले दिएको जानकारी अनुसार बाहुनी खोलामा पहिरो झरिरहेको थियो ।

पहिरो पार गर्न पर्खिरहेका बेला माथिबाट झरेको ढुङ्गाले लागेर सप्तरीको खड्ग नगरपालिकाका जीवन साहको मृत्यु भएको हो ।

साहको शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लाने तयारी भइरहेको प्रहरीले जनाएको छ ।