काठमाडौंं– औषधीको मूल्य नीति सुझाव समितिले तयार पारेर हालै मात्रै स्वास्थ्य मन्त्रालयलाई बुझाएको प्रतिवेदनमा औषधी व्यवसाय क्षेत्रका विभिन्न सङ्घसंस्थाहरूले विरोध जनाइरहेका बेला नेपाल फार्मेसी संघले भने स्वागत गरेको छ । 

संघले आज एक विज्ञप्ति जारी गर्दै प्रतिवेदन आवश्यक र समयानुकूल रहेकाले स्वागत योग रहेको बताएको छ । सञ्चार माध्यमहरू, विभिन्न संघसंस्थाहरु र सरोकारवाला निकायबाट उठाइएका सुझाव, प्रतिक्रिया र जिज्ञासालाई नेपाल फार्मेसी संघले गम्भिरतािूर्वक अध्ययन गरेको छ र यसका सन्दर्भमा सकारात्मक स्वागत गर्दछ संघले जारी गरेको विज्ञप्तिमा भनिएको छ । 

औषधी नागरिकको स्वास्थ्य र जीवनसँग जोडिएको संवेदनशील सेवा भएकाले यसको गुणस्तर, मूल्य र आपूर्ति प्रणालीमा राज्यको भूमिका जिम्मेवार, प्रभावकारी र उत्तरदायी हुन आवश्यक छ सङ्घद्वारा जारी विज्ञप्तिमा भनिएको छ ।