काठमाडौं – निर्देशक कुवेर तामाङको निर्देशनमा फिल्म ‘किन लाग्छ माया’ निर्माण घोषणा भएको छ । निर्माण पक्षले आइतबार पुराना र नयाँ कलाकारलाई लिएर फिल्म बनाउने घोषणा गरेको हो ।

फिल्ममा पुराना कलाकारहरु नायक धिरन साक्य र खलनायक राजेन्द्र खड्की शीर्र्ष भूमिकामा रहेने बताइको छ । त्यस्तै फिल्ममा अहिलेका उदयीमान कलाकारहरु जानबी बस्नेत र मिस पबीको पनि अभिनय रहने बताइएको छ ।

दर्जनौं म्युजिक भिडियोमा अभिनय गरेका मेघ सुबेदी यस फिल्मकफ शीर्ष नायक रहेको बताइएको छ ।

उनीहरुसहित सन्जीत भण्डारी, रिचा थापा, हिउवाला गौतम, सबिन बास्तोला र रवि डंगोललगायतका कलाकारहरुको अभिनय रहने पक्का भइसकेको निर्माण पक्षले जनाएको छ ।

राजेन्द्र खड्की दोहोरो जिम्मेवारीमा रहेको बताइएको छ । उनी यस फिल्ममा एक्सन निर्देशकसमेत हुन् ।

एस एन्ड एस प्रोडक्सनको ब्यानरमा बन्ने यस फिल्मको छायाङ्कन असार पहिलो साताबाट सुरु हुने बताइएको छ । निर्माण पक्षका अनुसार काठमाडौं, पोखरा, चितवन, पूर्वी नवलपरासी र मुस्ताङमा यसको छायाङ्कन हुनेछ ।

दाजु(भाइको सम्बन्ध, एक अर्काप्रतिको जिम्मेवारी र त्यागको कथा यो फिल्म बन्ने बताइएको छ ।

यो फिल्मको कथा स्याडो रियरको हो भने रामकाजी घिमिरेको पटकथा तथा संवाद लेखेका हुन् । निर्माता भने मोनु खड्का हुन् ।

‘किन लाग्छ माया’ शीर्षकमा यसअघि नै फिल्म बनेको थियो । उक्त फिल्म सन् २०१० मा प्रदर्शनमा आएको थियो ।

गोपाल चन्द्र लामिछानेको निर्देशनमा बनेको उक्तमा फिल्ममा नायकहरु निखिल उप्रेती, राजबल्लभ कोइराला, नायिकाहरु झरना थापा र गरिमा पन्त शीर्ष भूमिकामा थिए ।