लण्डन – अस्ट्रेलियालाई हराउँदै दक्षिण अफ्रिका टेस्ट विश्व च्याम्पियनसिप बनेको छ। दक्षिण अफ्रिकाको सो सफलतासँग जोडिएको केही तथ्य छन्।

यस अघि सन् १९९८ मा दक्षिण अफ्रिकाले आइसिसी नकआउट ट्रफी जितेको थियो। दक्षिण अफ्रिकाले २८२ रनको लक्ष्य पार गरेको थियो। सो टोलीले टेस्ट क्रिकेटमा सफलतापूर्वक पछ्याएको यो पाँचौँ ठुलो योगफल हो।

दक्षिण अफ्रिकाले लगातार ८ टेस्ट शृङ्खला जितेको छ। यो दोस्रो लामो समय विजयी शृङ्खला हो। यसअघि दक्षिण अफ्रिकी टोलीले सन् २००२-०३ मा लगातार ९ टेस्ट जितेर सफलता पाएको थियो।

कप्तान तेम्भा बुभमाको नेतृत्वमा दक्षिण अफ्रिकाले खेलेको १० खेलमा ९ मा जित तथा एकमा बराबरी भएको छ। यो आफैमा अभूतपूर्व सफलता मानिएको छ। यसैगरी आइडन म्यात्रम पछिल्ला चार पारीमा तीन शतक पुरा गर्न सफल भए। यो उनको अर्को महत्त्वपूर्ण सफलता हो। यसअघि दक्षिण अफ्रिकी ग्रेम स्मिथले लगातार चार पारीमा शतक प्रहार गरेका थिए।