पोखरा– पोखरा महानगर पालिकामा गत आर्थिक वर्षमा खर्च भएको रकममध्ये ५० करोड ४३ लाख रुपैयाँ बेरुजु देखिएको छ । 

 महालेखापरीक्षकको कार्यालयले सार्वजनिक गरेको ६२औँ वार्षिक प्रतिवेदन अनुसार देशका अरु सबै महानगरभन्दा पोखराको बेरुजु सबैभन्दा बढी हो ।  १३ अर्ब ४६ करोड ७२ लाख रुपैयाँको लेखा परीक्षणमा ५० करोड ४३ लाख रुपैयाँ बेरुजु देखिएको छ, जुन ३.७४ प्रतिशत हो। 

विराटनगरमा ६ अर्ब ४४ करोड ७६ लाख लेखापरीक्षण गर्दा २ करोड ८ लाख ५७ हजार रुपैयाँ मात्र बेरुजु देखिएको छ, जुन जम्मा ०.३२ प्रतिशत हो।

ललितपुर महानगर दोस्रो अनुशासित महानगरको रूपमा उभिएको छ, जहाँ १० अर्ब ६८ करोड ९७ लाखको लेखापरीक्षणमा ५ करोड ५५ लाख बेरुजु (०.५२ प्रतिशत) देखिएको छ। तेस्रो स्थानमा भरतपुर (०.९०५), चौथोमा काठमाडौं (२।४७५) र पाँचौं स्थानमा वीरगञ्ज (३.६२५) छन्।